Editorial:-
Presbytery Khawruhlian Vengthar a kan hman zawh tak ah inrinni zan ah Kohhran zaipawl ten zaipawl neih a ni a kan inbuatsaihnate tha taka kan tihhlawhtlin theih vangin a lawmawm hle a ni.Chutih rual erawh chuan zaipawl Member kan kaltam theilo erawh chu a rilru a kimlo deuh zaipawl ah hian Member 30 vel kan kal thei chauh mai a.Tan kan lakthar atul hle mai. He zaipawl rawngbawl na hi kan in pekna avang chauha hlawhlting thei a ni. Tin, kan hmalawk ah hian N. Vanlaiphai tlawh tum a ni a, he huna kal theuh tur pawn member zawng zawng te kan insawm a ni.Zaipawl hla zir kal taima turin ka insawm thar leh bawk a ni e.
Rev PC.Pachhunga Secretary Mizoram Synod hnen atanga WCC-a Member nih chung chang Inkhawmpui Agenda-a telh tura hriattirna dawn angin tun Presbytery Inkhawmpuiah hian rel a ni a,tun dinhmunah chuan WCC-hi zawm rem rih lovah Inkhawmpui chuan a ngai a ni.
WORLD COUNCIL OF CHURCHES (W.C.C) CHANCHIN TLANGPUI
1. World Council of Churches (WCC) ah hian Khawvel ram hrang 110 atangin Protestant kohhran leh Kristian pawl hrang hrang 350 vel an inzawmkhawm a. He pawlah hian Kristian maktaduai 560 vel an awm a ni. WCC a tel zinga Kohhran pawl lian deuh deuh chu Anglican, Babtist, Lutheran, Presbyteruan, Congregational leh Siamthat Kohhran (Reformed Churches) an ni.
2. WCC-a tel tur hian Isua Krista chu Bible thu anga Pathian leh Chhandamtu a nih pawm a ngai a, chutianga pawm lo, sakhaw dang betute an tel ve thei lo. Chubakah Pathian pakhata mi nung Pathum Pa, Fapa leh Thlarau Thianghlim ringtute chuah member an ni thei. Member ni turin Kohhran emaw Pawl emaw chuan a tlem berah member 50,000 tal an neih a ngai a, member nih chuan Rs.39.00/- aia tlem lo thawh ve a ngai bawk. Member kohhrante hian Pathian kohna thuhmun an dawn ngai pawimawhin inpumkhata, thawhho an tum a ni.
3. WCC member Kohhrante chu-
1) Rinna hmunkhat vuan chunga hmuh theiha inpumkhatna leh Sacrament-a inpumkhat duhtute an ni.
2) Thu khat vuaa Chanchin Tha hril hna thawh leh mihring puite mamawh phuhruksak duhtute an ni.
3) Mihring mamawh hrang hrang thawka inhmagin mihring inngirnhhona leh daidanna bang tichim a, dikna leh remna kawng zawn leh Pathian thilsiam hlu tak enkawl that ngai pawimawhtu an ni.
4. WCC member nih tangkaina thenkhatte: WCC member nih chuan an programme hrang hrangah hmathatna pawh tam tak a awm thei a, hetiangin:-
1) PCI chuan zau zawka khawvel huapa rawngbawlnaah kan tel ve thei ang.
2) Pathian thu zirna collage tanpuina te, Pathian Thu zirte leh damdawi lam zir mite tanpuina (Scholarship) a pek thin te leh rawngbawltu chhernaah te hian mihring leh sima tanpuina kan hmu ve thei ang.
3) Pathian thu thiamte zau zawka an inhmanna kawng a inhawn phah thei bawk.
4) Khawvel hnam hrang hrangte in unauna tha siam kawngah telve na emchang ,in siam sak theih bakah kan khawhawi min tihzau sak thei bawk.
5) Khawvel hmun danga kan ringtu puite nena intlawhtawn programme pawh min siam sak thei.
6) Thalaite inhman tawnna programme leh training chi hrang hrang a buatsaih thin a, chung chu kan chim ve thei ang.
7) Kohhran inzawmkhawm chi hrang hrang, entir nan, NEICC leh PCI General Assembly ang chi hi tanpui leh tihchak hi WCC thil tum pakhat a ni a, heng thilah pawh hian PCI hian a chhawr tangkai thei ang.
8) Khawvela ram tam taka mihring in rahnehna chi hrang hrang awm thin do kawnga hmalaknaah kan tel ve thei ang.
5. Khawvel pumpui thlir chuan kan Presbyteruan puite leh Reformed Kohhrante an tel tam tawh hle a. Min hringtu Wales ram Presbyterian Kohhran pawh member a ni tawh a. Kan thawhpui reng thin Council for World Mission (CWM) pawh hi member an ni bawk, India rama Church of South India (CSI) lwh Church of North India (CNI) te pawh member an ni. WCC member zingah hian Pentecostal kohhran pawh an tel nuam tawh bawk.
6. WCC member lo ni ta ila kan Kohhranah engmah thuneihna a rawn nei dawn lo va, kan awmdan pangngai rengin kan awm ang. Engtin kawng mahin a member Kohhran chungah tih luih theihna a nei lo va, a ti ngai dawn bawk lo. Tanrual hi chakna a ni tih an hriat a vangin Khawvel Kristiante hian tangruala Chanchin Tha hril leh Khawvela thil tha lo do hi a thupui khaikhawmna chu a ni.
7. WCC zawm thatna sawi tur tam tak a awm laiin a leh lam sawi tur a bo bik chuang lo. Khawvel pawl leh Kohhran zawng zawng hi sawiselbo an awm lo va, fel taawk lohna lai nei thei vek an ni. A sawiseltute ngei pawh hian phaina lai an nei tho. Chutiang bawkin WCC pawh hian sawisel a hlawh chang a awm ve a, an sawiselna avangin a insiam tha mek zel bawk a. WCC hi Sakhawlh (Namber 666) anga puhna pawh hi a la awm zel mai thei. Sakawlha inpuh noruak hi chu kum za aia upa tawh Kohhranin vawiin thlenga a la buaipui reng hi a ni. Tun hnaiah pawh India ram Census- a tel ngam lo chhungkaw sangkhat chuang kan la awm mek zel bawk. Chuvangin PCI hi WCC member ni te ila kan thatpui ang nge kan chhiatpui ang tih chu inkhawmpui thu thu a ni e.
GROUP NEWS
AMOSA group te chuan July-September chhunga Group Budget an rawn tlak fel leh ta a lawmawm hle mai.Tin,Joela group pawhin tlak thuai tum in tan an la mek a,an tlak thei tep tih thu kan lo dawng bawk.
Joela group te chuan sum tuak nan Group ip an sem a, chanchin kan buaisaih lai hian chanchin kimchang kan hre hman lo a ni.
NAUPANG CHAWHNU INKHAWM
Hruaitu : Pi C.Laltanpuii
Tantu : Lalhmingmawia (Inter Dept)
Items : Games
KOHHRAN HUN RUAT
Dt 15 Oct 2011
Tantu : Pi F. Lalhruaii
Thusawitu : Pu RD Laltawnkima
Dt 16 Oct 2011
SS tantu : Nl RTC Lalduhawmi
Chhun : Upa CK Lallkunghnema
(Literature week pual)
Zan Thuswitu : Upa Lalsawma
( NEICC pual programme)
KRISTIAN THALAI PAWL
Date 17 oct 2011
Hruaitu : Pu Jimmy Lalrinmawia
Tantu : Tv R. Lalchhanhima
Thilpeklatu : Rosy Lalduhsaki
Thuswitu : Lalrammawia Kawlni
ZIRTAWP ZAN BETHEL
Date 21 oct 2011
A hmun : Biakin Kawt
Hruaitu : Tv R. Lalchhandama
SUNDAY SCHHOL ZIRLAI
BEGINNERS : Nau hual ni
PRIMARY : Nova
JUNIOR : Adoniram Judsom-a
INTERMEDIAT : Hmangaihna
SACRAMENT : Khawtlang nuna harsatna leh tleirawlte
SENIOR : Thuhril
PUITLING : Chhandamte ta Vanram
No comments:
Post a Comment