Editorial:-
Kum bul kan tantrihlai kha chuan KTP -a rawngbawl hote kha kan hlimin kan tam thin hle kha a ni a,kum chanve kan pelh hnuah erawhchuan khawvarlam Arsi ang maiin kan khat leh pharh mai le.Hman deuha phur taka Kohhran leh KTP inkhawma rawngbawl thinte kha khawnge an awm zawh tak,hmun dangah tul dang avanga an awm bo vek a rinawm si lova,thatchhiatna leh dawngdahna avanga Kohhrana kan rawngbawlna kan thlahthlam ta lutuk hi chu in siamthat kan ngai hle mai.Kristian te tan hian BUL tan that anih rual rualin a TAWP hlen that hi a pawimawh hle zawk mai Thalai Member te in siam thatna hun kan neihlai hian insiam thain tan ila thar ang u.
KA TIH LOH TUR KA TI EM?
Nu pakhat hian kan in kianga in rel hnuaiah hian ruih theih thil ti ho an awmkhawm thin a,an ninawmin thil abo duh si a,min rawn hauhsak teh u,tiin min hrilh fo va.Ahminga YMA hruaotu kan nih ve lai anih avangin zanah intibuai an awm loh nan kan vah kual thin vang a ni a.
Zan khat chu kan thenawmpa sawmin chu inrel hnuai en tur chuan kan kal ta .Kan va thlen chuan tlangval pathum vel hi anlo awm a,a thim deuh avangin eng nge an tih chiah chu kan hre thei lova,an zinga pakhat chuan eng nge in rawn tih dawn tiin min bia a,
Kei chuan helai vel hi kan rawn fang kual a ni tiin ka chhang a ani chuan engvanga min veh reng nge maw in nihle,kan duh duhin kan awm ang a,kan duh duh kan ti ang a,min check theihna pawh in nei em ni kal vat rawh u tiin alo thinrim hle mai a.Kei chuan anmahni check leh man tum kan nih thu ka sawi pawhin a awihloh hmel hle mai a.In duh duh ka duh tiin a inlek vel a.min khawih pawh a hrehloh hmel em avang chuan kan kalsan ta a.Thui pawh kan kal hma chuan min rawn umzui a,lungten min rawn tawnga,Eng mah in nih bik loh kha eng atan mah kan ngai lo che u min rawn ti zui a.ka thianpa chu sawm chhuaktu ka nih avangin ka zah em em a,Ka tih loh tawp tur ak ti anih hi tiin ka inngaihtuah nasa hle mai a.In ka thlen chuan ka nupui fanaute hnenah chuan kan thil tawn chu ka sawi a,mahni inchhung pawh enkawl tha ka ni bik lova,chuvangin mi fate siam tha tura va vei tur pawh ka ni lo a ni.Ka tih loh tawp tur ka ti a ni tiin ka sawi chhunzawma.Hruaitu ni tlakah pawh ka in ngai lo takzet a ban mai ka duh a ni. Kan nu chuan ka ngaihdan chu angaih dan a ni hauh lo mai “Thil tha hi awlsam taka tih mai theih ani lo,harsatna tam tak paltlanga tih tura ni” tiin min fuiha.A hnu karkhat velah zankhat chu thilpawimawh ti turin ka lengchhuaka.Khawlaia ka kal lai chuan hman lawka ka mi tawn ngei mai lunga min tawnga,min au khumtu nen khan kan in tawk dawn ta tlat mai.Ani chuan min hmu lova,keichuan ral atang pawhin ka hmu chiang hle a.Engtin nge ka tih ang?Be lovin ka kalpel dawn em ni?Nge,ka chhuahchhal zawk ang?Ka rilru a in buk zak zak lai chuan kan intawk ta a.Kan intawh chuan ka dinga,a kut ka vuan nghala min la hua em tiin ka zawta.Hmaichhanah chuan hua e min ti duhlo pawh a ni mai thei a ni..Mi pawh en lovin leilam en ngar chung chuan Haw lo ve tiin min chhanga.Kei chuan min huat tawh loh chuan tawngtai duh ka duh a ni,Isuan a hmangaih che asin ka ti a,a hnial lo a ni tih entirnan a bu nghat a.Kawngsirah chuan kan inkai phei ta a,ding chungin kut invuanin ka tawngtai a,ka tawngtai lai chuan tah chhuak insum tih hriat takin a inhnit ri hraih hraih a,kan tawngtai zawh chua tah aw tiau hian Ka pu Isua hi nangmah ang a ni ang em a ti ta mai a,Engvangin mo ka tih chuan nagmah haw tu i haw ve tlat lova tiin min chhang a.Min tihrilhhaiin min ti zak tak zet a ni.Ka thinlung ngaihtuahna ahre lovin ka ngaihtuahna a hmu lo a ni.Kei chuan ka lainat leh ka khawngaihna pawh ka hrelo,amaherawhchu tih dan tur tha ni a ka hriat ka ti mai a ni. Ni lo Isua ang ka ni lo Isuan chuan sualna anei lova,keichu itsikna leh sualnaa khat mihring ve mai ka ni ka ti a.A nui var var a,thlahlel tak min kuah hnuin kan inthen ta a.
Chumi hnuah chuan kan inhmuh reng rengin ka be hmasa hman ta reng reng lo mai a,a hawihhawmin a inngaitlawm em em a,misual emaw ka lo tih kha mi sual alo ni awzawng lo mai.Vawi tam tak kan titi dunin kan inkawmngeih ta em em a ni.
Tunhma chuan Sports lamah pawh a inhmang nasain khawtlang leh veng tihmingthatu pawh alo ni ve thin a.Football-ah phei chuan Mizoram pawnah te alo khel ve tawh nghe nghe a ni.Nimahsela zu leh ruihhlovin a tihbuai tak avangin hmasawn zel thei lovin a awm phah a,amah pawhin pawi a tiin hrehawm a ti takzet a ni.
Tunah chuan tun hma angin ruihhlo ti tawh lo mahsela,a taksaah ruihhlo hnuhma alang fova.Atuina ber Sports lamah pawh tunhma angin a inhmang thei ta chuang lo a ni.Nimahsela nupuite a nei ve tawh a,chhungkaw hlim tak adin ngei ka beiseiin ka duhsak takzet a ni.
He thu pawh hi ama rem tihnaa rawn ziak ka ni e.
Upa Hausangaa Hauzel
Dinthar Vengthlang
Source :Kristian Thalai Chanchinbu
# Tunkar Inrinni khan Br pum hantlang neih a ni a,Zero point atanga Sesawng lamah 1Km kawng chhak leh kawngthlang sam fai a inhlawh a ni a,Member thawhchhuakte an hlimin nuam an ti hle,thawkchhuak zat erawh kan hre thei chiah lo.
# Karleh Thawleh zan atang khian Inneih hla zir tan tur a ni dawn a,Member ten lo hre lawk ila a tha awm e.
# Kan Kohhran atangin Nl R.Lalmuanpuii leh Pu K.Lalthanmawia te chuan CMAI hmalak na in kan Kohhran ai awhin Malaria chung changah Training an nei a,an hnenah hian thisen test pawh aduh tan a tih theih nghal bawk a ni
# N.Vanlaiphai kan tlawh tur pawh programme tih fel tawhniin Nov 25 (Zirtawpni) ah kal in 28 Thawhtanni ah haw leh tur a ni dawn a,member te lo inbuatsaih lawk te pawh a tha awm e.
Fairness Cream Dangerous
Source :Internet
Directorate of Health Services a Deputy Drugs controller, Controlling and Lisensing Authority chuan fairness Cream hman kawngah mipuite fimkhur a tul takzet tih an sawi.
Vawiina an thuchhuah in a tarlan danin India ramah Cosmetic zawrh leh hralah lama khuahkhrihna dan mumal ala awm loh avangin Drugs Controller General of India chuan fairness cream chungchang a rawn hriattir danin Cosmetic zingah vun tihngo nana hman chi fairness cream chu mihring tana hriselna leh himna tichhe thei bawlhlo hmanga siam anih thu an sawi a, heng bawlhlo hian hmai vun a tih pan theih thu leh nizung natna kai a tih awlsam theih thu sawiin hei hian natna khirh zawk kal thalo leh kal chhiat rupna leh thihna hial a thlen thei a ni an ti.
Fairness Cream ah hian bleaching agent ‘Hydroquinone’ sang tak a tel thin thu sawiin hei hian a tirah vun ti ngo duak mahse hmai duk nawn lehna a thlen theih thu leh hei hi enkawl dam leh a harsat thu an sawi a, mithiam ten sazu a an enchhina na ah he thil hian inthlahchhawnna leh DNA a atih chhe thei tih hmuhchhuah anih thu leh Mercury telh athin anih bawk avangin hei hian huat( allergy) avanga natna siamin hemi hnu hian taksa chhung rila hip luh niin taksa bung hrang hrangah harsatna a siam theih thu an sawi a ni.
