2.Oct.2011 Elim

Editor R.D. Laltawnkima          Ph:9612311588
Jt. Editor R. Lalchhandama          Ph: 9862537959
S.T. Lelremfela                  Ph:9612174905
Jerry Lalawmpuia                  Ph: 9862733755
News Editor
Samuel Lalchhanchhuaha                  Ph: 8575181885
Lalhunkima                 Ph:8974981252
Cir. Manager K.Lalthanmawia Ph:9862382680

Editorial:

        Incheina hi thil pawimawh tak,kan rilru puthmang leh kan zia tarlangtu anih fo vangin ngaihthah chi a ni lo va.Rawngbawltute tan phei chuan incheina hi uluk  atul lehzual hle mai.Fai, fel leh zahawm taka inchei hi hman atanga tun thlenga kohhran ho kan inzirtirna ala ni reng a ni.
Incheina fai leh zahawm apawimawh kan tih rualin a nih dan tur anga hak loh chuan mi nuih tet tet hlawh theihna anih avanginn uluk leh anih dan tur ang thlapa inchei te pawh zir ve a tul a ni.Kohhran inkhawmnaah T-Shirt nghawng neilo ha kan awm ta zeuh zeuh bawk,tin inkhelhna Jersey-te pawh ha hmuh tur kan awm leh thin bawk.Tin,T-Shirt lianpui fual hnek hnuk ha pawh kan awm leh thin T-Shirt kan ha  anih pawhin inkhawmna hmuna hak chi deuh anghawng nei leh zahawm tawk kan hriat a tul hle a ni.Tin,Hmeichhe lam pawh kawr  nghawng zau leh pan lutuk hak ching kan awm fo hi sim a tha hle mai kawrhnuai lang ruak khawpa pan leh awm lang thui lutuk ang chi hi Biak in ah hak amawilo tih hi kan hriat hnu mahnise kan hriat thar leh atul   hle a ni.Tin,sawi lan ngei ngei tul bawk chu Sacramen leh Senior Dept te kan tu leh fate incheina hi abikin hmeichhiate pawnfen chhing lutuk fen kan ching hi atha lo hle a ni,naupang an ni lawm kan ti a ni mai thei Kristian naupang tan pawh incheina mawi tawk leh zahawm tawk a awm,hengte thleng hian kan inzirtir that chu angai hle a ni.Pawnfen chhing tak hi amawilo a ni ngawt lova,inkhawmna ah chuan a mawilo kan ti mai zawk a ni,chuvangin Kristiante tana incheina mawi leh zahawm kan zawn fo hi atha hle mai,kan awmna hmun azirin incheina kan thlan thiam pawh a pawimawh hle a ni.




Sermon -Timothy 

Lalpa Chungah  Hel Lo Phawt ula, Chu Mi Rama Mite Bawk hek Suh U Kan Chaw Tur a ni Mai 

Number 14:8-10

Israel ten Aigupta atangin Kanna an pan chanchin kha kan hnu ang. Israel ten Aigupta ram atanga Kanan an pan lai khan Paran thlaler a an awm lai chuan Pathian thu a lo thleng a Mosia Israel hnam sawm leh pahnih chhung atangin hruaitu tur pakhat theuh thlang chhuak rawh a ti a, chuti chuan sawm leh pahnih te chu a han thlang chhuak ta a, chung sawm leh pahnih te chuan Kanan ram chu enthla tur chuan a tir chhuak ta a. Chuti chuan hnam sawm hruai tute chuan Kanan rama mihring len zia leh an ral thuam thatzia an hmuh hian an zam ta mai a kir let leh an rawt ta mai a. Mahsela Josua leh Kaleba te thiandun chuan Pathian in engkim a tih theih zia leh a hneh theih zia an hriat chianga Lalpa chhungah hel lo phawt ula, chumi ram a mi te chu hlau lo bawk ula kan chaw tur an ni mai an tita a
. Awle unau duh tak nang leh kei ten kan kaihhruai member leh kan fanau te hi van Kanan hi kan hruai thleng  thei ang em le?? K.T.P hruaitu emaw Kohhran Hmeichhia hruaitu Kohhran upa ten kan kaihhruai member te hi van kanan kan hruai thleng thei ang em?? Israel hman sawm hruai tutr pawh in lei Kanan ram that zia leh nuam zia chu an hmua chhungah chuan khuai zu leh hnute tui pawh aluang tih pawh an hria a nimahsela a chhungah mihring lian zia leh ran ral thuam thatzia a hmuh chuan a zam ta mai ang khan Van Kanan ah chuan riltam tui hal a awm tawh lo tih chu hre chung si chuan kal kawngah ti duh dah leh hreawm na leh sawichhiatna a awm a hriat a vagin an kir leh rawt mai a, i tum dawn nge hmalam tawn zel lam i rawy dawn?? Kan ram ah leh kan Kohhran hian hruaitu huaisen kan va mamawh tak em, Josua leh Kaleba te thian dun chuan Kanan ram ah chuan hnute tui leh khuai zu a luang  a  an sipai inhumhlim na chu ropui hle mahse Lalpa chuan engkim a ti thei an ringa kan chaw tur a ni mai an ti ngam ang khan Kohhran hruaitu pawh mahni khawvel hriat na leh finna rawn lo leh hmang lo va Lalpa chuan ka hma ti duhdahna lo thleng tur leh sawi chhiat na leh hreawm lo thleng tur pawh Lalpa  chuan engkim a ti thei a engkim a hneh thei tih  hria a, Van Kanan chu riltam tui hal leh ni riltam leh ni leh eng awm ngai tawh  lo tur tih hria a huaisen taka hruai hi kan ngai ta a ni.
Kohhran mitmei chung leh Synod mitmei veng chhunga hruaitu ni lovin Pathian hnen atanga thu chhuak  ringa Van Kanan ram ti duhdahna leh hreawm leh sawichhiat na pawh lo thleng mahse kan chaw tur a ni mai ti  ve thei tu hi kan mamawh a ni. Lalpa  chhungah hel lo phawt ula chumi ram a mi van a mi te chu hlau bawk suh u tia hreawm na leh tiduhdahna  pawh lo thleng mahse ka chaw tur  ani mai ti a kan in thlamuan tawn theih nan Lalpan a thu kan sawi te malsawm rawh se.
Amen

   ZAIPAWL

               Tuirini Presbytery -a zaipawl hla rem tur chu tunkar thawhleh zan  atang khan zir tan a ni,hla zir kan tam lo thin hle mai a,member ten tan ila thar leh teh ang u,hla thar leh har tak kan zir lem lo a,kan thiam sa kan lo hriat than tawhsa  kan zir a ni a,chuvangin tumah inthlahrung hauh lovin Member tupawh hla zirturin kan in sawm thar leh a ni.Tin,he kan zaipawl hi Live Music-a rem tum a ni bawk a ni.

Zaipawl kal turte hi Inrinni Dar 1:00 Pm ah Dawrkawnah kim tur a ni a,Inrinni zanah zaiin Thawhtan zingah haw leh tur a ni dawn a ni.

    PATHIAN  RAM IP

Pathianni hmasa a Pathian ram ip lakkhawm atanga thilpek  lo luh dan.

Pathian ram Rs 115475

Ramthar      Rs   64195

Tualchhung Rs   71165

Total        Rs 250835

Thla hmasa khumna Rs 61615

           Kohhran hote Pathian ram thilpekah kan thang zela alawmawm tak zet zeta,chutih rual erawh chuan kan Thlarau nun athang ve em tih pawh in en tel nghal ila tan lak kan ngaihna apiangah tan ila thar zel ang u.

Thil peka rawngbawl turin Pathianin min kova kan neih tam leh tlem ah Pathianin ateh lo kan neih ang ang atam emaw a tlem emaw kan neih ang tawk tawk kan pek phal hi ahlu a ni.

                                        TANRUAL

       Eng pawlah pawh awm ila pawl tan chuan theihtawp kan chhuah tur a nia,tanrual hi cjakna ani tih hi ataka kan kalpui thiam  chuan pawl achak ngei ang.Kohhranah chauh ni lovin khawtlangah chhiat tawk aawmin atanpui tur leh thlamuan turin kan tlankhawma,atul ang ang tawhkin theihtawp kan chhuah tlaang thin.Hei hi MIZO nih tinuamtu leh hnam dangte pawhin min awh vena tak pawh anih thin kha.Kan kalphung chhuanawm tak hi hlamchhiahin,mitin hian mahni chauh inngaihtuahntlang theuh ila chuan pawla kan thawh hona chang nilo,kan ram thleng hian a chhiat phah thei hle ang.Kohhrana kan rawngbawlna honaah pawh hetiang chiah tho hi a ni.

Kohhran/KTP  thil a ni emaw,khawtlang leh ram thil ani emaw,lungrual taka thawhhona hian nun atinuam a,hma min sawntir thin a ni.Chuti nilova keimah ni kan inkalh them chuan kan intichhe tawn mai dawn a,hmasawn asiam that hna thawk tura kan mamawh ber chu TANRUAL hi a ni.

                                    YFC PROGRAMME

A hmun : S.S Hall

Hruaitu : Pu F.Lalrinchhuanga Director YFC

Tantu : Zonunsiami

Items :  1. Group Singing 2.YFC Commtt atangin

          3. Aids Awareness Campaign 

Awareness Campaign  nei tur hian KRT Drop-In-Centre  Seling te sawm an ni a,kan sawmnate ngai pawimawhin min tihhlawhtlin sak dawn a alawmawm hle a ni.He hun hmang tur hian YFC Member zawng zanwgte kim taka inkhawm tur a ni,tin,nu leh pate pawhin kan tu leh fate he hun hmang ngei tur hian tir chhuak theuh ila atha awm e

KOHHRAN HUN RUATNA

October thla inkhawmna hruaitu

Upa F.Vanramlawma

Dt 1.10.2011 Inrinni zan

Tantu : Pu Laltlanthanga

Sermon : Pu C.Roliana

Dt 2.10.2011 Pathianni

S.S Tantu : Pi Laltlanchhuangi

Chhun : Pu R.Lalnunthara

Zan : Upa R.Dengkunga

KTP PATHIANNI TLAI

FELLOWSHIP

Hruaitu : Tv C.Lalropuia

Tantu : Tv Laldinliana

Thilpek latu :  Nl.Lalsangkimi

Items :  1)Tawngtai rual

          2) Zaiho

Dt.3.10.2011 Thawhtan zan inkhawm

October thla inkhawmna hruaitu

Pu Jimmy R.Lalrinmawia

Tantu : Nl Vanlalhumi

Thilpek latu : Nl Nancy Lalruatdiki

Sermon : Pu Francethanga

Dt 7.10.2011 Zirtawpzan Bethel 

Hruaitu    : Pu RD.Laltawnkima Asst Leader

KOHHRAN HMEICHHIA

RAMPUM HUAP TAWNGTAI TLAIVAR PROGRAMME

A hmun : Biak in

A hun : Dt 4.10.2011 Thawhleh zan

Chairman : Pi Lalnunziri

Tantu : Pi Lalthamawii

Thuchah tawi : Pi Lalrinpuii

Thilpek latute : 1. Pi Zoramliani

 2. Pi Lalpianmawii

CHAWHMA BAN TAWNGTAI INKHAWM

Hruaitu : Pi Lalkhumtiri

Tantu : Pi Lalengmawii(AZR)

26 September Elim

Editorial:      

     Kan Kohhran thurin No 9 na in a sawi angin ringtu zawng  zawng tih tur chu Kohhran inkkawmna atel te athu hril ngun taka ngaihtlak teleh thildang dang ringtu tana pawimawh te a sawia,heng kan thurin in asawi ang hi Kohhran rawngbawltu te hian  kan zawm chiah em,Beihrual inkhawm kan tlem dan em em atang hian Kohhran hoten tihtur engemaw tak chu kan nei a ni.Dan zawkim sangkhat vel bawr kan nih tawh laiin Beihrual inkhawm mi sawmnga vel kan ni thei chauh maite hi Pathian Biakbuk kan ngaina lo lutuk em ni rawngbawltute leh Kohhran hote  inenfiah kan tulna lai apiang in enfiah ila tan ila thar leh teh ang u.

PATHIANIN HLAWHTLING TURIN MIN KO LO, THUAWIH TURIN MIN KO ZAWK

-Nl.Lalnghilhlovi (Lalnu-i)

Ringtu nuna thil pawimawh takte pahnih chu rinna leh thuawihna hi ani. Thuawihna hi hmalam pana pen zel tura rahbi pawimawh tak a ni bawk. Thuawihna hi Pathian hian a ngai pawimawh hle bawk a ni. Israel te nunah pawh hian a lang chiang hle a ni. Pathianin an luah tur, a ram a pek, Kanaan ram an luh hunah, a mi chengte zawng zawng nung tawh phawt chu engmah in zuah tur a ni lo, in ti boral vek tur a ni tiin Pathianin khoh takin thu a pe tawp mai a ni (Deu 20:15-17). 

Tichuan Josua hovin an bei ta a, Pathian chaknain Gibeon khua a cheng Hiv hote tih loh chu an hneh vek a ( Jos. 11:18-23 ). Josua hian thuawih takin Pathian thupek hi a zawm a ni. Kanaan ram runna ah hian Israel mite hi hlawhtling hle mahse thuawihna erawh chu an tlakchham chang a awm ve leh thova. Josua ho hian an hmelmate hneh vek mahse hnam sarih, an ram luah tur la luah velo an la awm tlat a ni ( Jos. 18:1,2 ). Heng hnam sarih te hian  an hmelma te um chhuakin an ro chan tur an la luah ve lo tihna a ni ( Ror. 1:27-35). Josua pawhin a zilhhau nghe nghe ani ( Jos. 18:3 ). Thuawihna an tlachham a ni. Hmelmate chu hneh mahse la um chhuak lovin an cheng  za tihna a ni. 

Ringtu nunah pawh hei hi a dik thin ani. Sual hi hneh ni tawh mahse, kan um bo loh chuan min tibuai reng dawn. Sual nen hian in theinawm ranin kan khawsa thin a ni.

Tin, ringtu nunah pawh hian ‘RAMRI KRISTIAN’, ram tiama lut ve duhlo, Rubena, Gada leh Manasea hnam zatvete hian thlarau lam thil nilovin tisa lam thatna an ngaih pawimawh zawkna avangin Gilead-ah awmhmun an khuar ta a ni ( Num. 32:1,33 ). Anmahni ang deuh hian nun hlui thlak hlei thei lo, tisa rama chen thlang zawk, thlarau ram chu han dai ve a, han tem ve si a va lut tak tak silo  ‘RAMRI KRISTIAN’ hi kan tam ve mai lo’ng maw? Thuawihna leh inpekna tello chuan ringtu tha nih a har em em a, Bible-ah mi entawn tlak tak tak thuawih leh rinawm taka Pathian tana inpe Zawlnei Jeremia, Stephana leh Baptistu Johana te leh midang tam tak kan hmu a ni.         Baptistu Johana bik hi ilo sawi ta ila. Huaisen tak leh rinawm tak in Lal Heroda leh a nupui Herodi chung thu ah leh a thil tihsual zawng zawng chungah a zilhhau avangin taninah khungin, Salomi leh Herodi ngenna avangin a lu tan a ni a, Baptistu Johana hi a hlawhtling  tih theih pawh niin a lang lo. 

A huaisenna leh a rinawmna kha a ropuina chu ani. Mi thenkhat chuan pulpit a chuan kai zin te leh rawngbawltu lar deuh nih te kan chak bawk thin a, a pawimawh ber erawh chu eng dinhmunah pawh ding ila, Pathian tan kan rinawm em tih leh nihna nei lo leh tu hriat hlawh lo pawhin ringtu rinawm kan ni em tih hi a ni.

Chanchintha pawh hi thahnemngai tak leh rinawm taka hrilh tur kan ni a, a ti hlawhtling tu erawh chu Pathian a ni. 

SENIOR DEPT INKHAWMPUI

               Pathianni kal ta hmang khan kan Kohhran ah Thinsulthliah Pastor Bial inkhawmpui neih a ni a,Chawhma ah intihsiakna neiin chawhnuah result puan leh lawmman semna hun hman a ni a.Detp tin ten Zaipawl tha tak an rawn nei thei veka an thiam hlawm hle a,hetiang hi an result chu a ni.

1 na Hospital veng  Senior Dept

2 na Seling Senior Dept

3 na           Thingsulthliah Senior Dept

4 na Tlangnuam Senior Dept

MEIZIAL NUN TITAWITU

Vawikhat chu nipui chawlh laiin chhungte tlawhin Los Angeles-ah kan kal.Ka pa chu varandaah athu a,meizial a zu khu hlat hlata,ka niin arawn koh avangin a meizial zuklai chu a dah a,aluhsana.

Chutih lai chuan ka unaunu Victoria-i chuan meizial zuk chu eng ang tak nge anih hriat a chak a,kapa meizial zuklai chu alek vat vata,ka zuk chhin tawh leh tawh lo min zawt a,keichuan teuhlo mai tiin ka chhanga.Chutah chuan ka rinloh deuh maiin Victoria-a chuan a zu ta mai a,meizial chu a han fawp a,akhuh ta bawrh bawrh mai a,akhuh nasa lutuk a,aluak dawn emaw ka ti hman a,chutia khuh bawrh bawrh chunga chuan meizial chu zu ve chhin turin min pek ala tum tang tanga “kha han tichhin ve reng reng  teh,i thih phah lovang ala ti hram.Ameizial ken chu ka laksa a leiah ka paiha ka rap sawm ta vek a.Ka pa rawn chhhuah leh hunah engtin nge atih  ang tih pawh ka ngaihtuah hman tawhlo.Chutihlai tak chuan ka pa chu a rawn chhuak a,a meizial dah chu a zawng ta ngei a.”ka meizial zuklai kha khawiah nge? ati ta renga,Ngawi rengin ka dinga,ka unaunu nena ka tih dan chu ka sawi mai ngam lova.,mahse ka ngaih dan sawi hun tak nia ka hriat bawk si avangin ka sawi ta a.

              Ka pa hnenah chuan eng vanga meizial chu zu nge anih leh athatlohzia hre vreng chunga  zu tlat bawk si chu ka hriat thiam loh thute ka hrilh ta a.Ka pa chuan an tleirawllai atanga zu anih thu leh chutihlai chuan athat lohzia an ngaihtauh loh thute rual pawlna thiante tih ang ti ve thei,mi pangngai nihna anga an ngaih thute min hrilh a.

Tunah chuan alo zuk rei tawh avangin a angawl a vei tawh a.nghei leh mai chu a tan thil harsa tak a ni tawh.Ka pa mi tumruh leh chak tak ni thina ka hriat thin pawhin ameizial chakna athunun thei lo,chu thil chuan zawi zawi anunna ati tawi hret hret zela.TV-a meizial that lohzia an tihchhuah ka hmuh pakhatah chuan hmeichhia pakhat meizial ngawl vei hi meizial zuk nasat avangin adamlova,ahrawk an zai a,athawk theih nan ahrawkah chuan an verh pawp a,thawk pangngaia thawk pawh thaw thei lo khan a thawkna tura an verh kuaksak atang chuan meizial ala zu hram male.

Ka pa hmaah chuan ka dinga,chutiang chu a chungah a thleng ve mai ang tih ka hlauh avangin ka tap ta a.Chumi ni atang chuan ka pa chuan a meizial zuk chu a bansan mai theih loh avangin atitlem hret hret niin ka hria.A khat tawk hian ka hmangaih a ni tih hrilhin meizial avanga chan mai ka duh loh thu ka hrilh thin.

   Rei tak dam ka duhin TV-a nu pakhat ang mai a nat leh mahni inthunun thei lova awm kha ka duh ve lo.Meizial hi ka zu ngai dawn lova,kei chuan mei khu ni lovin boruak thianghlim chauh ka hip dawn a ni.

THLARAU THIANGHLIM

        Thlarau thianghlim hi kan Kohhran thurin hian mite chhandamna changtua siamtu leh,ringtu mimal nuna Lal Isua chhandamna hnathawh ataka seng luttu anih thu a sawi a,hei pawh hian Thlarau thianghlim chu Pathian anihzia tihlanna niin Calvin-a chuan angai a ni.Thlaru thianghlim hnathawh hi sawi tur atam hle.Engkim siamtu leh enkawltu a ni.Zawlneite hnena thu sawitu,Pathianthu thawk khumtu ,a ziaktute leh a chhiartute awmpuia tichaktu a ni.Lal Isua Mari paitirtu,a chhandamna hnathawh zawng zawng  awmpuitu leh hriatpuitu a ni.

Thlaru thianghlim tanpuina leh tihchakna tello chuan mi tu mahin misual kan nih kah hrte fiah thei lo.,kan pawm thei heklo.Lal Isuan Thlarau thianghlim alo thlen hunah chuan sual thuahte,fel thuahte,rorel thuahte,khawvel an thiamloh an hriattir ang(joh 16:8)a ti.Thlarau thianghlim chuan kan sualzia min hriattir chauh ni lovin,Krista Lalpa  leh chhandamtu a ni tih min hriattir a,chubakah sualin atih khawloh tawh kan duhthlanna pawh ati chakthar bawk a ni.Thlarau thianghlim zarah chauh Lal Isua Krista  ringa a chhandamna changtu kan lo ni thei a ni.

Thlaru thianghlimin ringtute hi englai mahin min thlahthlam lo Paulan “Nangmahnia thil tha titantu khan Isua Krista ni thlengin a tifamkim zel dawn” atih ang khan,Thlarau thianghlim hi kan thih ni thlenga ringtu mi mal tinte min awmpuia Krista anna kawnga min kaihruaitu a  ni.Kan Kohhran thurin 7 na hian Thlaru thianghlimin ringtu nun a tihthianghlim thu sawina deuh vek a ni.Isua Krista kan rin hian Pathianin  mi felah min pawmin,thiam min chantir tawh mahsela, misual tihthianghlim ngai kan la ni reng “In hmanlai awmdan kawnga mihringhlui bumna chakna anga chhe deuh deuh kha hlip thla ula,mihring thar,thutak leh felnaa Pathian anga siam khan inthuam rawh u” tia fuih ngai,sual sim tur nei reng,Krista anna-inngaihtlawmna leh thianghlimna kawnga kan thihni thlenga thang lian chho zel tur kan ni.Chutiang kan ni chung chuan  Thlarau thianghlim zarah ringtute hian Pathian fa nihnate,chatuan ropuinate kan chang a,chhandam nih inhriat chianna lawmawm tak pawh kan chang thei bawk a ni.

Thlaru thianghlimin  khawngaihna hna athawhna  hmanruate hi chhinchiah atha hle a ni.Thute Sakramen te Tawngtaina hi Thlarau thianghlimin chhandamna leh tihthianghlimna te chena kan chan theih natura  a hmanruate an ni.Heng Thlarau thianghlim hmanrua hi Kohhran inkhawma Pathian kan biak hona thil anih avangin hla sakte pawh  a tel a ni.Engpawhnise Thlarau thianghlim hian Kohhran leh athil serhte hmangin chhandamna hna a thawk thin tih i hre reng ang u.

 SIKUL IP

                    Sikul pual ip la thehlut remchang loten kan remchan hun hunah,a thehluh theih reng a ni tih hria ila,kan rawngbawlna Sikul lamah hian Kohhran hoten tan inla thar leh teh ang u. 

                          BEIHRUAL 

Beihrual thla kan hmang meka kan thupui zirlaite angaihnawmin a bengvarthlak tak meuh meuh thin a,chutih rual erawh chuan Kohhran hote inkhawmah tan kan lak thar deuh a ngai awm e,Dan zawhkim atang pawha chhutin inkhawm hi kan tlem thei hle mai a,tan inla thar sauh sauh teh ang u.

PATHIAN RAM

           Tun Pathianni hi Pathian ram ip   lakkhawm hun a lo ni leh ta a,Kohhran hote leh bial neituten lo hre thar leh ila.

26 September Elim

Editorial:      

     Kan Kohhran thurin No 9 na in a sawi angin ringtu zawng  zawng tih tur chu Kohhran inkkawmna atel te athu hril ngun taka ngaihtlak teleh thildang dang ringtu tana pawimawh te a sawia,heng kan thurin in asawi ang hi Kohhran rawngbawltu te hian  kan zawm chiah em,Beihrual inkhawm kan tlem dan em em atang hian Kohhran hoten tihtur engemaw tak chu kan nei a ni.Dan zawkim sangkhat vel bawr kan nih tawh laiin Beihrual inkhawm mi sawmnga vel kan ni thei chauh maite hi Pathian Biakbuk kan ngaina lo lutuk em ni rawngbawltute leh Kohhran hote  inenfiah kan tulna lai apiang in enfiah ila tan ila thar leh teh ang u.

PATHIANIN HLAWHTLING TURIN MIN KO LO, THUAWIH TURIN MIN KO ZAWK

-Nl.Lalnghilhlovi (Lalnu-i)

Ringtu nuna thil pawimawh takte pahnih chu rinna leh thuawihna hi ani. Thuawihna hi hmalam pana pen zel tura rahbi pawimawh tak a ni bawk. Thuawihna hi Pathian hian a ngai pawimawh hle bawk a ni. Israel te nunah pawh hian a lang chiang hle a ni. Pathianin an luah tur, a ram a pek, Kanaan ram an luh hunah, a mi chengte zawng zawng nung tawh phawt chu engmah in zuah tur a ni lo, in ti boral vek tur a ni tiin Pathianin khoh takin thu a pe tawp mai a ni (Deu 20:15-17). 

Tichuan Josua hovin an bei ta a, Pathian chaknain Gibeon khua a cheng Hiv hote tih loh chu an hneh vek a ( Jos. 11:18-23 ). Josua hian thuawih takin Pathian thupek hi a zawm a ni. Kanaan ram runna ah hian Israel mite hi hlawhtling hle mahse thuawihna erawh chu an tlakchham chang a awm ve leh thova. Josua ho hian an hmelmate hneh vek mahse hnam sarih, an ram luah tur la luah velo an la awm tlat a ni ( Jos. 18:1,2 ). Heng hnam sarih te hian  an hmelma te um chhuakin an ro chan tur an la luah ve lo tihna a ni ( Ror. 1:27-35). Josua pawhin a zilhhau nghe nghe ani ( Jos. 18:3 ). Thuawihna an tlachham a ni. Hmelmate chu hneh mahse la um chhuak lovin an cheng  za tihna a ni. 

Ringtu nunah pawh hei hi a dik thin ani. Sual hi hneh ni tawh mahse, kan um bo loh chuan min tibuai reng dawn. Sual nen hian in theinawm ranin kan khawsa thin a ni.

Tin, ringtu nunah pawh hian ‘RAMRI KRISTIAN’, ram tiama lut ve duhlo, Rubena, Gada leh Manasea hnam zatvete hian thlarau lam thil nilovin tisa lam thatna an ngaih pawimawh zawkna avangin Gilead-ah awmhmun an khuar ta a ni ( Num. 32:1,33 ). Anmahni ang deuh hian nun hlui thlak hlei thei lo, tisa rama chen thlang zawk, thlarau ram chu han dai ve a, han tem ve si a va lut tak tak silo  ‘RAMRI KRISTIAN’ hi kan tam ve mai lo’ng maw? Thuawihna leh inpekna tello chuan ringtu tha nih a har em em a, Bible-ah mi entawn tlak tak tak thuawih leh rinawm taka Pathian tana inpe Zawlnei Jeremia, Stephana leh Baptistu Johana te leh midang tam tak kan hmu a ni.         Baptistu Johana bik hi ilo sawi ta ila. Huaisen tak leh rinawm tak in Lal Heroda leh a nupui Herodi chung thu ah leh a thil tihsual zawng zawng chungah a zilhhau avangin taninah khungin, Salomi leh Herodi ngenna avangin a lu tan a ni a, Baptistu Johana hi a hlawhtling  tih theih pawh niin a lang lo. 

A huaisenna leh a rinawmna kha a ropuina chu ani. Mi thenkhat chuan pulpit a chuan kai zin te leh rawngbawltu lar deuh nih te kan chak bawk thin a, a pawimawh ber erawh chu eng dinhmunah pawh ding ila, Pathian tan kan rinawm em tih leh nihna nei lo leh tu hriat hlawh lo pawhin ringtu rinawm kan ni em tih hi a ni.

Chanchintha pawh hi thahnemngai tak leh rinawm taka hrilh tur kan ni a, a ti hlawhtling tu erawh chu Pathian a ni. 

SENIOR DEPT INKHAWMPUI

               Pathianni kal ta hmang khan kan Kohhran ah Thinsulthliah Pastor Bial inkhawmpui neih a ni a,Chawhma ah intihsiakna neiin chawhnuah result puan leh lawmman semna hun hman a ni a.Detp tin ten Zaipawl tha tak an rawn nei thei veka an thiam hlawm hle a,hetiang hi an result chu a ni.

1 na Hospital veng  Senior Dept

2 na Seling Senior Dept

3 na           Thingsulthliah Senior Dept

4 na Tlangnuam Senior Dept

MEIZIAL NUN TITAWITU

Vawikhat chu nipui chawlh laiin chhungte tlawhin Los Angeles-ah kan kal.Ka pa chu varandaah athu a,meizial a zu khu hlat hlata,ka niin arawn koh avangin a meizial zuklai chu a dah a,aluhsana.

Chutih lai chuan ka unaunu Victoria-i chuan meizial zuk chu eng ang tak nge anih hriat a chak a,kapa meizial zuklai chu alek vat vata,ka zuk chhin tawh leh tawh lo min zawt a,keichuan teuhlo mai tiin ka chhanga.Chutah chuan ka rinloh deuh maiin Victoria-a chuan a zu ta mai a,meizial chu a han fawp a,akhuh ta bawrh bawrh mai a,akhuh nasa lutuk a,aluak dawn emaw ka ti hman a,chutia khuh bawrh bawrh chunga chuan meizial chu zu ve chhin turin min pek ala tum tang tanga “kha han tichhin ve reng reng  teh,i thih phah lovang ala ti hram.Ameizial ken chu ka laksa a leiah ka paiha ka rap sawm ta vek a.Ka pa rawn chhhuah leh hunah engtin nge atih  ang tih pawh ka ngaihtuah hman tawhlo.Chutihlai tak chuan ka pa chu a rawn chhuak a,a meizial dah chu a zawng ta ngei a.”ka meizial zuklai kha khawiah nge? ati ta renga,Ngawi rengin ka dinga,ka unaunu nena ka tih dan chu ka sawi mai ngam lova.,mahse ka ngaih dan sawi hun tak nia ka hriat bawk si avangin ka sawi ta a.

              Ka pa hnenah chuan eng vanga meizial chu zu nge anih leh athatlohzia hre vreng chunga  zu tlat bawk si chu ka hriat thiam loh thute ka hrilh ta a.Ka pa chuan an tleirawllai atanga zu anih thu leh chutihlai chuan athat lohzia an ngaihtauh loh thute rual pawlna thiante tih ang ti ve thei,mi pangngai nihna anga an ngaih thute min hrilh a.

Tunah chuan alo zuk rei tawh avangin a angawl a vei tawh a.nghei leh mai chu a tan thil harsa tak a ni tawh.Ka pa mi tumruh leh chak tak ni thina ka hriat thin pawhin ameizial chakna athunun thei lo,chu thil chuan zawi zawi anunna ati tawi hret hret zela.TV-a meizial that lohzia an tihchhuah ka hmuh pakhatah chuan hmeichhia pakhat meizial ngawl vei hi meizial zuk nasat avangin adamlova,ahrawk an zai a,athawk theih nan ahrawkah chuan an verh pawp a,thawk pangngaia thawk pawh thaw thei lo khan a thawkna tura an verh kuaksak atang chuan meizial ala zu hram male.

Ka pa hmaah chuan ka dinga,chutiang chu a chungah a thleng ve mai ang tih ka hlauh avangin ka tap ta a.Chumi ni atang chuan ka pa chuan a meizial zuk chu a bansan mai theih loh avangin atitlem hret hret niin ka hria.A khat tawk hian ka hmangaih a ni tih hrilhin meizial avanga chan mai ka duh loh thu ka hrilh thin.

   Rei tak dam ka duhin TV-a nu pakhat ang mai a nat leh mahni inthunun thei lova awm kha ka duh ve lo.Meizial hi ka zu ngai dawn lova,kei chuan mei khu ni lovin boruak thianghlim chauh ka hip dawn a ni.

THLARAU THIANGHLIM

        Thlarau thianghlim hi kan Kohhran thurin hian mite chhandamna changtua siamtu leh,ringtu mimal nuna Lal Isua chhandamna hnathawh ataka seng luttu anih thu a sawi a,hei pawh hian Thlarau thianghlim chu Pathian anihzia tihlanna niin Calvin-a chuan angai a ni.Thlaru thianghlim hnathawh hi sawi tur atam hle.Engkim siamtu leh enkawltu a ni.Zawlneite hnena thu sawitu,Pathianthu thawk khumtu ,a ziaktute leh a chhiartute awmpuia tichaktu a ni.Lal Isua Mari paitirtu,a chhandamna hnathawh zawng zawng  awmpuitu leh hriatpuitu a ni.

Thlaru thianghlim tanpuina leh tihchakna tello chuan mi tu mahin misual kan nih kah hrte fiah thei lo.,kan pawm thei heklo.Lal Isuan Thlarau thianghlim alo thlen hunah chuan sual thuahte,fel thuahte,rorel thuahte,khawvel an thiamloh an hriattir ang(joh 16:8)a ti.Thlarau thianghlim chuan kan sualzia min hriattir chauh ni lovin,Krista Lalpa  leh chhandamtu a ni tih min hriattir a,chubakah sualin atih khawloh tawh kan duhthlanna pawh ati chakthar bawk a ni.Thlarau thianghlim zarah chauh Lal Isua Krista  ringa a chhandamna changtu kan lo ni thei a ni.

Thlaru thianghlimin ringtute hi englai mahin min thlahthlam lo Paulan “Nangmahnia thil tha titantu khan Isua Krista ni thlengin a tifamkim zel dawn” atih ang khan,Thlarau thianghlim hi kan thih ni thlenga ringtu mi mal tinte min awmpuia Krista anna kawnga min kaihruaitu a  ni.Kan Kohhran thurin 7 na hian Thlaru thianghlimin ringtu nun a tihthianghlim thu sawina deuh vek a ni.Isua Krista kan rin hian Pathianin  mi felah min pawmin,thiam min chantir tawh mahsela, misual tihthianghlim ngai kan la ni reng “In hmanlai awmdan kawnga mihringhlui bumna chakna anga chhe deuh deuh kha hlip thla ula,mihring thar,thutak leh felnaa Pathian anga siam khan inthuam rawh u” tia fuih ngai,sual sim tur nei reng,Krista anna-inngaihtlawmna leh thianghlimna kawnga kan thihni thlenga thang lian chho zel tur kan ni.Chutiang kan ni chung chuan  Thlarau thianghlim zarah ringtute hian Pathian fa nihnate,chatuan ropuinate kan chang a,chhandam nih inhriat chianna lawmawm tak pawh kan chang thei bawk a ni.

Thlaru thianghlimin  khawngaihna hna athawhna  hmanruate hi chhinchiah atha hle a ni.Thute Sakramen te Tawngtaina hi Thlarau thianghlimin chhandamna leh tihthianghlimna te chena kan chan theih natura  a hmanruate an ni.Heng Thlarau thianghlim hmanrua hi Kohhran inkhawma Pathian kan biak hona thil anih avangin hla sakte pawh  a tel a ni.Engpawhnise Thlarau thianghlim hian Kohhran leh athil serhte hmangin chhandamna hna a thawk thin tih i hre reng ang u.

 SIKUL IP

                    Sikul pual ip la thehlut remchang loten kan remchan hun hunah,a thehluh theih reng a ni tih hria ila,kan rawngbawlna Sikul lamah hian Kohhran hoten tan inla thar leh teh ang u. 

                          BEIHRUAL 

Beihrual thla kan hmang meka kan thupui zirlaite angaihnawmin a bengvarthlak tak meuh meuh thin a,chutih rual erawh chuan Kohhran hote inkhawmah tan kan lak thar deuh a ngai awm e,Dan zawhkim atang pawha chhutin inkhawm hi kan tlem thei hle mai a,tan inla thar sauh sauh teh ang u.

PATHIAN RAM

           Tun Pathianni hi Pathian ram ip   lakkhawm hun a lo ni leh ta a,Kohhran hote leh bial neituten lo hre thar leh ila.

18.Sept.2011

THINGSULTHLIAH  PASTOR BIAL

SENIOR  DEPT

INKHAWMPUI PROGRAMME

            A hun    : Dt 18.September.2011
            A hmun : Seling Kohhran

Chairman : Upa K.Lalchamreia Bial Chairman
Secretary  : Lalhuliana Secretary Bial SundaySchool
  Treasurer  : Upa K.Lalbiakchama Bial Treasurer

Dt 18.Sept.2011 Pathianni Chawhma 10:00 Am

Chairman :  Upa K.Lalchamreia Bial Chairman
Secretary :  Lalhuliana Secretary Bial SundaySchool
Tantu :  Malsawmdawngzela Senior Dept Tlangnuam
Intihsiakna : 1) Thurin  9 & 10 na
Zaipawl : Seling leh Tlangnuam Senior Dept

Dt 18.Sept.2011 Pathianni Chawhnu 1:30 Pm

Chairman : Upa K.Lalchamreia Bial Chairman
Tantu : Joel Lalmuanpuia Thingsulthliah Senior Dept
Thuchah tawi : Pastor R.Lallianpara Bialtu Pastor
Report &Result puanna : Lalhuliana Secretary Bial SundaySchool
Lawmman sem : Upa C.Lalthanzuala Bial Secretary (Sr)
   
Pathianni chawhma leh Chawhnu banah Fellowship neih tur a ni a,hetiang hi Programme a ni .

Chawhma ban:
Hruaitu : Tv Lalbiaktluanga Leader Senior Dept Tlangnuam
Thuchah tawi : Upa Vanlalthlana Thingsulthliah
Item : Dept tin atangin item 2 theuh neih tur  a ni.

Chawhnuban:
Hruaitu : Pu HS.Vanlalruata Leader Senior Dept Seling
Thuchah tawi : Upa PC.Lalnghinglova Bial Secretary (Jr)
Item : Dept tin atangin Special Item 2 theuh neih tur a ni.

          Pathianni chawhma inkhawm ah hian Pathian hnena thilpek lakkhawm tur a  ni ang.Tin, Kohhran nu leh pate pawhin ka tu leh fate inkahwmpui hi tuna aia nasa a kan hlut atul hle a ni.Chuvangin,tun Pathianni ah pawh hian Senior te kian mai lovin thahnem ngai takin Kohhran hote inkhawm ah tan i la thar leh ang u khai.


Editorial:
                 Kan kumhlun lohna ram Khawvelah hian duham leh pamham takin hun kan hmang thin em kan inthenawm khawvenna leh khawsak hona ah te hian mite tana harsatna thlentu,Miten Kohhran an hmuh khawloh phahna thlentu kan ni em a bik takin rawngbawltute kan in enfiah atul hlein alang,tin mipuite pawh chutiang bawkin kan in enfiah atul ve tho bawk a ni.Lalpa hming sawi chhiatna remchang siamtu kan ni palh hlauh dah ange,chuvangin kan klumhlun lohna tur he khawvel ah hian ringtu tana nundan mawi BIBLE in min zirtir anga ka nunte kan hman a,Krista hmel keimahniah miten an lo hmuh theihna turin tuna kan awmdan/khawsak   dan theuh hi in enlet ila insiamthat kan ngaihna apiangah insiamtha in tun kum thar atang chuan Kohhran hote heti zawng hian tan la thar theuh thei ila a duhawm hle mai.

   Setana, phuar a ni ang:
Thupuan 20:1-3 Kum sang rorel chhung hian,    Setana chu phuar a ni a.Phuar a nih dan chu Isua lo kalna engin misual zawng zawng a chhun hlum vek tawh ang a, mifelte lah   vanah hruai chhoin kum sang ro an rel daih si a. Setana chu  vanah a chho thei dawn lova,tumah bum tur a nei lo leh bum  thei lova a awm kha, phuar a nihna chu a ni. Setana pawhphuar  a la nih hma leh sualna leh bumna hna a lo thawh lek laia kum sang ro lo rel chu, a dik thei lo.Tin, kum za pawh dam tling lovin kum sang ro, lo rel thu a awm lo, mahni leh mahni inbumna mai ni....


 DRUMSET VUAK ZIR
        Br Commt in alo rel angin tunkar hian Drumset vuak kan Member  engemaw zat ten an zir a,Instructor hi tukar chauh ahman rih vangin  hun remchang dangah zirna hunte pawh la siam leh tum a ni bawk a,tuna zirtura in report la hman remchang leh talo pawh awm theih a ni a,chuvangin Br Commt chuan tuna zir mekte hian la zir kal  zel sela ,hun remchang leh hmasa ah zirna hi buatsaih leh ngei  a tum a ni.


WYCLIFF ASSOCIATION HMALAKNA
Wycliff Association hi 1967 khan mi pathum Bill Butler, Dale Kitzman leh Rudy Renfer ten Pathian tanpuina in an din a, tunah hian an Presicent leh C.E.O ni lai mek chu Bruce Smith a ni. He association -tum ber chu hnam tin te hnena anmahni tawng theuha Bible neih tir a ni.Tunah hian khawvel hmun pahnih, anmahni tawng pawha Bible an la neih ve loh na a an tawng ngei a Bible an lo neih ve theih nan hma an la mek a. Heng ram te hi an la puang chhuak duh rih lo. Amaherawh chu pakhat zawk chu Muslim tam ber na, Islamic Sawrkarna ram a ni a, heng hmunah te hian zalen takin chanchintha au chhuah pui theih a ni lo a, Bible pawh Public-ah a chhiar thei mai mai loh a ni.

HRISELNA LAMTLUANG

Typhoid Fever:

Typhoid fever han tih ngawt hi chuan kan hrethiam vek kher lo maithei a, Mithiamte sawi dan a ni miau sia,A awmzia takah chuan khawsik inzawm zat tihna a ni ber mai. Khawsik hi 1000 F atanga 1030 F a ni ber a. 1040 F te pawh a san lai chuan a ni thei. Khawsik a hniam lai ber pawhin khawsik chu a awm reng tihna a ni.Nitin khawsak a lo sang telh telh a, a lo hniam thla leh thin. Mahse, khawsik awm reng tho si in,  ani telin an chau telh telh a, taksa na a lo tam a, luhai nen, pum a lo nuamlo zel bawk a, engmah  an ei theilo thin. Malaria vei aiin an chau zawk a, Malaria ah khawsik 1030 F te chu an chauh pui vak lo a,Typhoid ah erawh chuan 1030 F hi chu an chauh pui viau thung. Dinhmun hlauhawm tak a thleng thei a. Khawsik damdawi leh nachhawkna pawhin a chhawk thei meuhlo a ni.Typhoid damdawi eilovin awm ta se la, kar khat na ah chuan engtin tin emaw an tuar chho va, kar hnihna ah chuan natna leh khawsik chu a zual chho a, kar thumna ah chuan an nat lai ber a ni thin. Khawsik a sang deuh reng a, an chau em em a. Khawsik sang vaklo pawh nise an chauh tawh em avangin an dinhmun a hlauhawm hle a ni. Kar li na ah an damchhuah dawn chuan khawsik a lo hniam thla a, dam lam an pan leh thin. 

Typhoid damdawi ei erawh chuan an ei atangin zual lam an pan zel lova, darkar 48 velah khawsik pawh a hniam thla thin a, an lo dam thin a ni. Typhoid natna hi a hlauhawm em avangin Continous Fever (Khawsik awm reng) chi reng reng natna ah chuan Malaria leh Typhoid damdawi hi an pe kawp fo reng a ni.

  

Pathian ring duh miah suh, rin tur dang tha zawk i hriat chuan.

Vanramah kal tum duh lem suh, kalna tur dang tha zawk i hriat chuan.

Pathian hnenah thilpek pe suh, engmah dawng ngai lova i inhriat chuan.

Tumah ngaihsak duh suh, tumah i mamawh dawn loh chuan.

Khawvel hi thlahhel rawh, khawvelah hian i kumhlun dawn phawt chuan.